Tuesday, January 16, 2007

大肚婆15天高潮:A貨強政勵治

1972年8月4日,前宗主國殖民地烏干達嘅總統伊廸.阿敏 Idi Amin,頒布命令,要烏干達境內嘅5萬名南亞裔居民,喺90日之內離境。伊廸.阿敏亦宣布全面推行本地化,將呢批南亞印度裔居民嘅資產充公。

當年,呢批 南亞印度裔居民,其實已經落地生根,不過因為歷史原因,所以每一個人都有大英帝國護照。亦因為有大英帝國護照,所以正當面對勒令離境同資產將會被充公嘅現 實,佢哋就紛紛湧往英國。

大家可能會問:「孫柏文今日係唔係想舉例,究竟乜嘢先至叫做真 正嘅強政勵治?」冇錯!當年英國政府,面對住一批一批持有大英帝國護照嘅難民,居然可以差唔多喺一夜之間,國會上下議院三讀通過,將呢批持有堅過石堅大英 帝國護照嘅人士嘅居英權剝奪。仲要即時畀英女皇簽名,變成法例。當時,仲有大批喺空中飛緊去倫敦希斯路機場嘅飛機,因為法例通過,而需要承擔處置呢批持有 大英帝國護照難民嘅責任。

三流權宜之計

雖然完全係無賴嘅政策,完全暴露大英帝國嘅假仁假義、帝國末日之心,不過孫柏文要 承認呢個真係一個「強政勵治」嘅政策。大家要記得,呢個政策「強政勵治」嘅原因,不單止係因為可以厚顏無恥咁剝奪大英帝國護照持有者嘅居英權,最重要係剝 奪居英權嘅法例可以即時落實。就算空中仲有飛機嚟緊,都一於好少理。

好多人以為,特首Sir曾蔭權係港英政府殖民主義僅存嘅承繼人,不過曾特首可以學到 1972年嘅英國政府咩?孫柏文一路都好支持所有想下一代做香港人嘅父母來港生育,現在錯嘅唔係邊防入境政策,而係綜援政策,相信大家都明白我嘅想法。

不過,孫柏文噚日聽到風聲,話政府會宣布開始大力限制大肚婆來港。如果你要限制去平息因為保護主義所以衍生缺乏助產士嘅民憤,呢啲三流權宜之計,我都冇辦法。不過,孫柏文警 告政府,如果要限制大肚婆來港,就要喺宣布一刻立即落實限制政策。如果宣布同落實限制有任何時間差別,我哋就會見到大批大批嘅大肚婆蜂擁來港。

傳聞話政府 會今日宣布限制大肚婆來港嘅政策,不過要去到2月1日先至實施。如果呢個傳聞係真,我可以擔保呢15日就會係大肚婆湧港嘅高潮。如果馬會要開上下盤,真係 可以開喺15日有兩萬個大肚婆。以前香港已經有廢除抵壘政策嘅經驗,歷史第一次發生係悲劇,第二次就係鬧劇。希望曾特首唔好打大肚婆,不過如果要打,就一 定要快、狠、毒。

5 comments:

  1. 孫兄:

    假若三流權宜之計真的推行,小弟推想應該不會在15日內出現如此多大肚婆,大概不能和抵壘了政策相比。

    原因是 Touch-base policy 對於每個人都適用,而且,沒有時間限制。但生仔不同走佬,生仔有預產期,唔係隨時隨地可以生,如果無拉拉話要開刀或催生,醫生一係基於安全原因唔允許,一係要先收錢先比開刀(呢個我估),再加上申請黎香港需時(至於有多少假証,小弟不敢推測),到時人數或許有少量增幅,但相信應該唔會蜂擁來港。

    ReplyDelete
  2. 在這個男男女女都最多只肯生一個的年代,為什麼我們要執著於大肚婆來港生仔呢?

    以一個「國濟城市」而言,「香港」的工作人口太少了。因為「香港」有國界,內地人不能成為香港的勞動力。相反,NYC沒有這些界,住在NYC周圍的人可以在日間走進NYC出力。

    London在working hrs有1100萬人,但凌晨時份則只有850萬人。即是有250萬的人每朝在London以外湧入,為London的經濟出力。

    香港呢?我們開始趕走會創造高額GDP的人,用空氣,用政治。但其實我們需要更多的受教育的人去工作。

    在香港出生的內地BB,他們將來到底是不是你和我的一份子,完全取決我們看他們的態度。如果我們接納,他們一樣會考會考,一樣會入大學,一樣會在中環為香港打拼。這到底是公平的社會。

    來的並不是一班低學識的難民,而是一個個的小朋友。我們今天給他們教育,有一天他會納稅支撐變老了的我所在的國際城市的。

    ReplyDelete
  3. 睇清楚d,前一篇好似回得不太好,因為孫兄都是支持人口升的。

    綜援政策…是其中一樣投票時最令人想自殺的事。某些政治黨或人,雖渴求自由民主理想,卻是不折不扣的福利經濟派。

    無從選擇。

    ReplyDelete
  4. To c.m.

    I agree... The number of pregnant women that could come at anyone time is pre determined by biology. I did over estimate the number of arrivals.

    ReplyDelete
  5. To cogito,

    1. I too am disappointed by the lack of Free market/Democrats every election. I ran for Legco in 2000. But was too young and had a very poor campaign. Anyhow, lets hope for the best and see whether we get some free market democrats to run.

    2. I also agree completely about the need of free movement of people. 自由行 was a successful policy because it removed barriers for people to travel.

    I wish the same for workers.

    I pray for the day we can go from Hong Kong to Guangzhou, like Americans go from New York to Chicago. With no borders.

    Or even like French people travelling from Paris to Berlin. Let Free people make and realise their choice.

    ReplyDelete