Thursday, January 25, 2007

百佳的「冰茶」辯護法

勁!孫柏文今次真係要甘拜下風。噚日,和黃(013)旗下嘅百佳超級市場「斷正」,被人捉到「油魚Ruvettus Pretiosus」當「鱈魚Cod」賣。食過油魚嘅百佳客戶,有啲仲出現「屙油」情況,令全城一面倒圍攻百佳。

不過,噚晚百佳舉行記者招待會,24小時新聞台全程直播,孫柏文當然開電視機睇。睇完我都要話百佳勁!首先,百佳完全唔否認「油魚」當「鱈魚」賣,誠實程度已經可嘉。可能因百佳知道冇可能否認,又冇可能認公司運作混亂到不知情,所以就要出孫柏文稱為「Hong Kong people dun know English」嘅高層次辯護法。

噚 晚呢種辯護法咁成功,最緊要係因百佳搵咗個鬼佬返嚟,理直氣壯咁用英文話:「因為點樣界定define乜嘢係『鱈魚』根本冇乜準則,所以油魚絕對可以當 『鱈魚』賣!」如果以上嘅係上聯,呢個「百佳鬼佬」冇講嘅下聯就係:「即係話,如果連我呢個母語係英文嘅鬼佬都覺得『油魚』等同『鱈魚』,你哋呢班 chinks又點可以話有分別!」

雖然好牽強,不過我絕對覺得可以接受。如果大家覺得好離譜,孫柏文今 日為大家提供一個更「勁」嘅辯護法。1996年花旗國,共和、民主兩大黨候選人紛紛為大選作準備。大家都知道,花旗國兩大黨為求可以將候選人嘅理念同政綱 宣揚出去,都需要好多錢,所以每個候選人都會積極籌錢。不過,大選過後,有人發現當年克林頓Clinton同戈爾Gore嘅競選工程,曾經舉行過違反競選 條例嘅籌款活動。

喺 花旗國,任何競選工程撞到呢啲醜聞嘅「指定動作」,都會交「負責人」出來畀傳媒同輿論祭旗。點知,翻查競選工程會議記錄,原來當時批准舉行嗰次籌款活動嘅 會議中,最高負責人係副總統戈爾,戈爾嘅情況有如噚日嘅百佳一樣「斷正」。不過當時,副總統戈爾話:「因為會議當日,會議室內有免費檸檬冰茶,而我又飲咗 好多。會議決定嗰次籌款活動嘅一刻,我啱啱去咗洗手間屙尿,所以冇份批准舉行嗰次籌款。」

呢個「屙尿」辯護法一出街,即刻被各大傳媒稱為「冰茶辯護法Ice Tea Defense,大家一樣覺得好牽強,不過戈爾最終都係冇事。所以大家千祈唔好覺得辯護「牽強」就唔會「甩身」。

2 comments:

  1. 哈囉
    1.我鍾意聽你講油。乜油都好。淺白又中的;
    2.講開又講,pk 點解要咁做生意法?佢既競爭對手有無呢個 practice?(sorry,我呢排冇心情睇新聞,變成淨係睇你) 你覺唔覺長和有種首富員工青出於藍情意結?
    3.你向我到留言中既讚美,多謝-如果我無讀錯你好鬼俚語既英文。咁,let me say, I pay coz I dont have a choice. Haha.

    ReplyDelete
  2. 1. thanks... one oil fish launches a thousand thoughts...

    2. i do think because of the vicious cost cutting. They pressure suppliers to the point that the suppliers have to break rules just to comply with cost control. PnS is far too efficient. I think maybe, just maybe, they enjoy this bullying of suppliers. so yeah... could be a 情意結.

    3. = ) hahahahha you can always shop at Wellcome. hahahhahaha

    ReplyDelete