Sunday, July 22, 2007

是誰消滅舞照跳

80年代初,鄧小平同志話要收番香港嘅時候,亦同時引進香港第一代嘅sound bite。首先有「一國兩制、港人治港、高度自治」呢個好典型嘅sets of three sound bite。

中英聯合聲明簽署嘅時候,孫柏文得6歲,不過以我理解「一、港、高」背後嘅意思,就係小平同志覺得香港嘅社會生態應該保存(一國兩制)。而最可相信有誘因,同埋最識得去保護香港社會生態嘅,就係香港人自己(港人治港)。而落實方法就係,香港人管治香港人(高度自治)。

何為香港社會生態

咁乜嘢係香港嘅社會生態?Model answer相信冇人知,小平同志都唔知,不過小平同志就知道有啲現象如果可以繼續,就等如97年後,成功保存香港社會生態。所以就有第二個sound bite「馬照跑、舞照跳」。

今晚8:30,孫柏文會喺有線電視第8台,用隻《金手指》去篤醒破壞「繼續馬照跑、舞照跳精神」嘅特區政府。特別係舞照跳。我真係要問:「究竟你哋明唔明乜嘢叫做馬照跑、舞照跳?又話自己好似孫柏文一樣,係政治家!」

No comments:

Post a Comment