Tuesday, March 11, 2008

港大奇拿?

噚日,高明輝拎咗份友報過嚟同我講:「又有奇拿放相喎?」原來早排有對港大情侶跌咗隻USB手指,搞到學生自拍「生活片段」流出。不過,友報標籤為「港大奇拿」就被人拉咗。講真,要拉唔到先算係奇拿,唔明就最好唔好亂用。

講番正題,孫柏文已經同各位忠實Fan屎講過好多次,就係千祈、千祈、千祈,唔好影,No。到咗個個禮拜都有片流出嘅今日,我只可以講,所有拍過嘅年輕朋友要有心理準備,若然未流出,只係時辰未到。好彩嘅話,就係你生咗幾件,人老珠黃。起碼都會有人話:「你身材都幾好喎!」

最後,做咗好多、好多屆立法會議員嘅張文光,就批評互聯網使用者,話佢哋「按一個send掣仲勁過上帝之手,上帝也沒法停止資料擴散,立即失控。」所以就要立法禁止。

原來上帝做唔到,張文光立條法就得。

4 comments:

  1. 若果影過都有罪,我估香港有約莫3成有拍拖的男女可能斷正。

    p.s. 柏文兄,今日phone-in時邊睇馬賠率邊傾,講錯左少少野,多多包涵。btw, 要諗下計喎!好靜焗!also不要only只請窩輪發行商的嘉賓吧!不然節目要改為:「你貼輪,我教路。」話實好多嘉賓除左答窩輪ok外,其餘都答唔到phone-in讀者的問題。祝節目蒸蒸日上。

    ReplyDelete
  2. allan?
    haha
    how o r u
    wat stock did u top today

    ReplyDelete
  3. 我?青春不再的三十零歲,不再playboy的playman(正所謂男人三十變個man。)

    其實有d股若set長渣一年至兩年,威力有如當日你低位買了富士康同蒙古能源咁。

    但向柏文兄個節目推介叫人渣一至兩年,d股民未必會受落。

    我自己有一隻研究個現價有一隻0.83,可以等佢遲d大市有一日大跌500點以上,基金順勢震倉時,搏0.75至0.78入貨,搏一年後保守到價2蚊。

    勵晶太平洋(575),若你喜歡短炒,呢隻一定唔o岩。不過若你係果d開工睇唔到個市,但求舊錢穩穩陣陣,跑贏d所謂定期同基金的話,呢隻不妨自己研究下入唔入得過。

    p.s. 借了柏文兄的地盤答人,sorry!

    ReplyDelete