Thursday, September 04, 2008

中電(差啲)食大茶飯

幾年前,孫柏文第一次聽到中電(002)想喺特區搞液化天然氣進口,真係百感交集。首先,因為將天然氣液化嘅過程同維持液狀需要大量能源,由遙遠嘅氣田經海路運到特區,從環保角度上可能唔值。以上對環保嘅憂慮,禮拜一講過。

話到明百感交集,有憂慮就當然又有喜悅。為乜開心?就係因為搵到個連哈佛大學MBA課程都會用嘅case study,一個「如何玩政策屈機」去搵錢嘅例子。

玩政策屈機絕橋

首先,中電始終都係上市公司,根據經濟學教科書,佢哋存在嘅唯一原因就係要賺錢。而喺平時啲公司要賺錢,就係要喺同其他對手競爭之下,最能夠滿足消費者。

不過,中電就唔使,佢哋就有一個叫做「利潤保證計劃」去保證利潤。作為中電,能「保證利潤」嘅,一定希望繼續。

問題就係,「利潤保證計劃」如何計算最後嘅利潤?條方程式其實非常簡單,
就係:投資金額 x 保證回報率 = 利潤。

中電最終只係對利潤有興趣,求其投資金額 x 保證回報率得出嘅總數可以大啲,就一於好少理。

當然,羊毛出自羊身上,利潤點計算都好,最終都係市民出錢,所以啲民粹議員就出手介入。

而喺「投資金額 x 保證回報率」當中,大家都應該留意到民粹議員永遠只係攻擊「保證回報率」。作為中電,你要打回報率其實冇所為,因為只要可以谷大「投資金額」,搵嘅錢分分鐘多咗。

問題就係,點樣谷大「投資金額」?一間公司,要做更多投資嘅原因,多數係因為賣緊嘅嘢供不應求,不過中電當然冇呢個問題。咁公司做投資,又可能想令供應非常穩定,呢個中電又已經做得綽綽有餘。喺呢個情況之下又如何谷大「投資金額」?

大陸截糊衰收尾

冇錯!就係投資令賣緊嘅嘢「改良咗」。大家可能會話:「一度電就係一度電,改咩良?」

以前,一度電係「一度污染電」,未來經過投資之後,一度電就會成為「一度乾淨電」。

就算市民最初覺得,香港空氣污染元凶係大陸啲廠,經過陸恭蕙悉心策劃嘅「科學研究」(香港是最大源頭!香港是最大源頭!香港是最大源頭!hohoho),記者傳媒已經中晒招(香港是最大源頭!香港是最大源頭!香港是最大源頭!)。

中電就諗住有足夠民意支持去投資幾百億搞液化天然氣進口。不過最後棋差一着,天然氣發電ok,但政府就話用唔需要大量投資嘅大陸管道進口天然氣。

中電差啲食到大茶飯,too bad。

3 comments:

  1. Dear 孫兄,

    Sorry about late greeting,Happy Birthday,wish you have a great time in investment,and the most important thing is have good health.As a good finger's fan,we need your analysis,please 篤 harder!!

    Best regards
    Albert

    ReplyDelete
  2. 講開屈機 ...

    大摩係最叻屈機,MSCI故然隻手遮天;無得質疑但tracker fund要買佢怕;嗰單自已又係商品交易所股東,事前又話+五日唱淡交易所,都算係代表作 ...

    但一切有代價嘅!尤其啊爺咁警惡懲奸。你唔見到啊爺控制的最大型國企每次來香港上市(民企唔計),保廌人多數係高盛、瑞士甚至滙丰,好少俾大摩咩?

    你知唔知無得做一單咁嘅大嘢,揾少幾多?
    唔係第二度屈機,點為到條數吖?

    以上又係另一個陰謀論!

    ReplyDelete