Friday, January 01, 2010

今年失了手之建議

今年5月13日,孫柏文喺某媒體建議過「一注獨沽港交所」。當時恒指為17,000點,而港交所(388)就賣緊110元一股。呢個睇淡建議嘅目標價,就定咗喺62.85元,有效期亦至今年最後一日,即明日。呢個建議,亦係我09年,唯一的投資建議。


今日係12月30日,除非呢兩日有好多超級悲劇同時發生,我諗我嘅建議都錯硬,仲要錯得非常離譜。錢,就輸咗,係時候做賽後檢討。


我建議之日,提供點解睇淡理由,就有兩個。當時我覺得港交所喺提出建議之前短短兩個月,由低位升過一倍,第一因大量資金流入特區,同大家預期流向會繼續,第二就係疑似經濟春筍。


咁當時,首先我覺得資金好快就會好勁咁流走,第二就係春筍其實係中國刺激經濟措施。而因港交所之前嘅升浪實在太誇張,所以就建議「一注獨沽港交所」。


咁呢兩個理由,最後點?睇番5月時特區嘅銀行結餘,就由當時嘅水浸,演變成依家挪亞方舟嗰隻聖經式水災。即係資金不但止冇走,仲愈來愈有。


咁點解我睇錯資金流?因為我患咗典型分析員睇歷史估未來嘅職業病。當時銀行結餘同資金流,已達破紀錄之勢,以經驗來睇,冇理由能長期保持咁高嘅水平,更唔會愈來愈多。點知真係咁。


所以,第一個教訓就係喺今次嘅金融海嘯下,以前係點點點,唔可以再作準。試問,海嘯之下,滙豐控股(005)唔係好好,第一次盈警、第一次因資本不足要供股等。07年初問你,兩年之內滙控會先發盈警又供股,你分分鐘會答:「唔好玩啦!以前都未試過。」


咁中國帶頭嘅經濟復甦又點?內地經濟數據我一路都唔信,有時會大幅報大,有時又會報細數,所以我都係信啲比較客觀嘅數據。例如除非短炒估市場情緒,我係唔會睇GDP數據,不過,我會睇石油進口,同副產品使用量,同賣車數據。


咁點?睇GDP,就話好勁,經濟復甦。不過,如果睇賣車同石油數據,就好多車落地,但油就冇用多咗。即係借錢買車易,搵錢養車難。經濟復甦?No。其實都只係信貸發大。不過點都好,錯就係錯。至於我依家對港交所點睇?都仲係一注獨沽港交所!邊度值百三蚊股呀!

7 comments:

  1. 你睇依家大陸同香港既情況同97果陣有咩唔同?
    呢個煲一定爆!

    ReplyDelete
  2. 繼續一注獨沽港交所都得,港交所橫睇掂睇都唔似值百三蚊。

    依家真係高處不勝寒呀,依家敢買香港同中國股票嘅,我只能俾個勇氣可嘉嘅證書俾你。

    ReplyDelete
  3. 孫兄,你以前係做石油分析員,咁你對今次石油氣的士及小巴死火有咩高見呢,係唔係石油氣有問題呢?xdxd

    ReplyDelete
  4. 孫生睇睇火燎森 http://putoutfire.blogspot.com/

    ReplyDelete
  5. Hahaha 火兄一向多fans...

    As for the LPG Taxis... I think it is very interesting... I am following the news closely...

    I wonder why those cars are dying...

    I suspect the fault lies with the importer

    ReplyDelete
  6. 港交所值八十就差唔多. 點睇香港都唔似會o係 2010 每日平均有過千億成交.

    ReplyDelete
  7. 肥仔, 因住好似批死匯豐咁, 要比青姊money cafe 度打屁股.

    ReplyDelete